Repost: Nadine Lustre Backs Out of MMFF Entry 'Miracle in Cell No. 7,' Bela Padilla Tapped as Replacement

Images courtesy of Instagram: bela/vivaartistsagency

Kumpirmado na ang biglang pag-atras ni Nadine Lustre sa 2019 Metro Manila Film Festival (MMFF) entry na "Miracle in Cell No. 7".

Ito ang pelikulang pagsasamahan sana ng aktres kasama si Aga Muhlach na handog ng Viva Films ngayong darating na Kapaskuhan.

Sa ipinadalang mensahe ng opisyal ng MMFF na si Noel Ferrer sa ABS-CBN News, sinabi nitong nag-request ang Viva Films sa komite ng MMFF para sa pagbabago sa kanilang pelikula.

"Miss [Nadine] Lustre has begged off the project due to medical concerns and her resulting inability to perform her duties as an actress during the shoot up to the promotion of the film," bahagi ng liham na ipinadala ni Vincent Del Rosario ng Viva sa opisyal ng MMFF.

Ayon pa kay Ferrer, aprubado na nila nitong Huwebes, Hulyo 25, ang hiling ng Viva Films na ipalit si Bela Padilla para sa kanilang pelikula.

"We believe that Bela Padilla is an excellent actress and a bankable star and she will significantly contribute to the film's artistry and commercial success," pahayag pa ng MMFF.

Sa ngayon, inaabangan na rin ang apat pang pelikula na kukumpleto sa Magic 8 ng 2019 Metro Manila Film Festival.