Ina ni Yorme Isko pumanaw na nitong Linggo Oktubre 25

"Mahalin ninyo ang mga magulang ninyo hangga't nabubuhay sila. Spend time as much as possible, make them feel that you love them, care for them, and you owe your life to them." -Yorme Isko Moreno

Pumanaw na ang ina ni Manila Mayor Fransciso “Isko” Moreno na si Rosario Domagaso.

Pumanaw ito sa edad na 74 isang araw matapos ipagdiwang ng alkalde ang kanyang ika-46 kaarawan nitong Sabado. 

Bagama’t hindi pa nagbibigay ng official announcement ang Manila Mayor office hinggil dito, ay inanunsyo na ito ng Archdiocesan Shrine and Parish of Santo Niño De Tondo sa pamamagitan ng Facebook post.

Nagpaabot din ng pakikiramay ang ospital ng Maynila Medical Center sa FB post nito.

Hindi naman nagbigay ang anumang detalye ang kampo ng alkalde sa sanhi ng pagpanaw ng ina.

Si Nanay Chayong ay Tubong Allen, Northern Samar bago ito manirahan sa Tondo, Manila kasama ang ama ng alkalde na si Joaquin Domagoso na isang kargador sa Manila North Harbor.