Sumbong ng Lola ni Charice, inaksyonan na idol Raffy Tulfo

Umiiyak na nagpasaklolo ang lola ni Jake Zyrus na si Tess Pineda sa programa ni idol Raffy Tulfo na 'Wanted sa Radyo' sa episode ngayong November 23. 

Kwento ni lola Tess,  binato umano siya ng kanyang anak na si Raquel Pempengco sa hindi niya malaman kung ano ang dahilan. 

Ayon kay lola Tess kinuha at binenta ni Raquel ang ilan sa naipundar niyang gamit at sinaktan siya umano nito ng ikinuwento niya sa ibang tao na siya ay lola ni Charice.

"Hindi ko po alam bakit napakabigat ng dugo sa akin ng anak ko... masama raw po akong tao, masa raw po akong ina!" 

Kasalukuyang nakatira si Lola Tess sa isang netizen na si Edith Guiyab na nagmalasakit sa kanya. 

Ipinakita naman ni Raquel kay idol Raffy ang kwarto na tinutuluyan ni Lola Tess sa kanila, may maayos ito na kama at mayroon pang aircon ang kwarto kung saan makikita na naroon din ang mga damit ng kanyang ina. 

Nakiusap din si  Raquel Pempengco sa kanyang ina na huwag nang gambalain pa si Jake dahil may sarili na itong buhay. 

Sinunubukang pagkasunduin ni idol Raffy ang dalawa subalit hindi ito nangyari. 

Sa huli ay, tutulungan ni idol Raffy si Lola Tess lalo na sa kanyang mga pagpapagamot habang si Raquel naman ay bukas pa rin ang pinto ng bahay anytime para sa kanyang ina.