UPDATE: Isa patay, 4 sugatan matapos mabagsakan ng metal frame ng Skyway Project

Isa ang patay at apat naman ang sugatan nang bumagsak ang isang steel bar mula sa nagpapatuloy na proyekto ng Skyway sa hindi bababa sa anim na sasakyan noong Sabado ng umaga.

Ang aksidente ay naganap sa East Service Road sa Muntinlupa City, ayon sa ulat.

Bumagsak ang steel bar sa tatlong sasakyan at tatlong motorsiklo. 

Ayon kay Erwin Alfonso, pinuno ng Muntinlupa City Disaster Risk Reduction and Management Office, apat na tao ang isinugod sa ospital dahil sa pinsala.

FLASH REPORT: Bahagi ng ginagawang Skyway sa Muntinlupa City, bumagsak. | via @luisitosantos03 pic.twitter.com/nfYcy48aeB

— DZBB Super Radyo (@dzbb) November 21, 2020

UPDATE: 4 na ang naitalang nasaktan sa pagbagsak ng bahagi ng ginagawang Skyway Project sa Muntinlupa City. | via @luisitosantos03 pic.twitter.com/InbuYnwO5M

— DZBB Super Radyo (@dzbb) November 21, 2020

VIDEO: East Service Road sa Muntinlupa City, sarado na sa mga motorista matapos bumagsak ang isang metal frame ng ginagawang Skyway Project. | via @luisitosantos03 pic.twitter.com/K9FJymsoUq

— DZBB Super Radyo (@dzbb) November 21, 2020