Mister na sinasaktan ni Misis sa Viral Video, inaksyunan na ni idol Raffy Tulfo

Umabot na sa programa ni idol Raffy Tulfo ang viral video kung saan makikita ang matinding pananakit ng isang misis sa kanyang mister.

Ayon sa anak ng biktima na uploader ng video na si Kristine Ann Maravilla, madalas talaga umanong nasasaktan ng kanyang step mother na si Juwena Dela Peña ang kanyang amang si Anthony Maravilla.

Hindi rin daw  maawat ni Kristine ang kanyang madrasta sa pananakit sa kanyang ama dahil mas malaking babae umano ito kesa sa kanya.

Sa interview, umamin ang biktima na noon pa man ay nananakit na talaga ang kanyang kinakasama at matapos ang mahigit isang taon ay tila natauhan na siya na iwanan na ito. 

Ayaw pang makipaghiwalay ni Juwena at umaasa pa siyang babalik pa sa kanya si  Anthony subalit mismong si idol Raffy na ang tumulong na kumbinsihin ito na hiwalayan na lamang ang mister at baka tuluyan pa rin niya itong masaktan kung sila'y magsama muli.