Actual video ng paglusong sa baha nina Jericho Rosales at Kim Jones para tumulong sa kanilang mga kababayan

Trending ngayon sa social media ang ginawang pagtulong ng mag-asawang sina Jericho Rosales at Kim Jones sa mga nasalanta ng bagyong Ulysses.

Umaga ng Huwebes, November 12 matapos manalasa ng bagyo ay tumambad sa sambayanan ang pinsalang dinulot nito.

Bumaha sa maraming lugar sa Luzon region partikular sa Marikina. 

Marami sa ating mga kababayan ang na-trap sa loob ng kanilang mga bahay at maging sa bubong ng kanilang mga bahay.

Hindi naman nag-atubili ang aktor na si Jericho na lumabas sa kanilang bahay kasama ang asawang si Kim Jones, upang papaano ay makatulong sa ilan gamit ang kanilang surf board.