Ang SWERTE, isang ulirang anak kinuhang staff ni idol Raffy Tulfo!

Humingi ng tulong kay idol Raffy Tulfo ang isang ulirang anak na si Anghela Villafuerte ng medical assistance para sa kanyang disabled na ina na si Liwayway Arceo na dating OFW sa Riyadh, Saudi Arabia.

"Disable po siya ngayon sir gawa nga po ng naging sakit nya sa Saudi. Paralyzed po yung kalahati ng katawan nya sir tapos hindi po siya makapagsalita sir." kwento ni Anghela.

"Yung mga kasama ko po dito sa bahay po mga senior citizen po, gusto ko man po magtrabaho wala pong magaalaga kay mama ko wala pong maiiwan sa kanya." dagdag nito.

"Sige yung mga gamot yung maintenance, therapy sasagutin ng RTIA" sagot ni idol Raffy.

"Sabi ni Jocelyn kung pwede raw kitang bigyan ng work sa RTIA, padadalahan ka namin ng computer dyan work from home." dagdag pa ni idol.

Sa October 31 episode ng RTIA na may title na 'BIBILIB KAYO SA KANYA. BEAUTIFUL INSIDE AND OUT!' pinuntahan ng Raffy Tulfo in Action team sa Burgos, Isabela si Anghela para abutan ito ng tulong.

Namigay ang RTIA ng medical supplies, groceries, perang pang therapy sa kanyang ina at laptop computer para sa bago nitong trabaho bilang staff ng Raffy Tulfo in Action team.