Salaysay ng apo ni Sonya Gregorio, ang kumuha ng video ng pamamaril ng pulis sa mag-ina sa Tarlac

"Narinig ko po bigla na 'gusto n'yo patayin ko kayo' sabi niya pong gano'n. Tapos po sakto po pagharap po saka niya binaril po sina Lola Sonya," kuwento ni Alyssa Calosing, ang kumuha ng video sa pamamaril ng pulis na si Jonel Nuezca sa mag-ina sa Tarlac nitong Linggo.

"Yumakap na po siya kay Kuya Frank kasi aarestuhin daw po ng pulis. Pilit po siyang binibitbit. Napunit na nga po yung short niya, pero si Lola Sonya, ayaw niya pong bitawan."

Nang tanungin kung ano ang ginawa ng pulis matapos ang pamamaril, sinabi ni Alyssa na "kinuha niya po 'yong anak niya tapos naglakad lang po sila nang parang wala lang..."

"Kinuha niya po yung anak niya tapos naglakad lang po sila na parang wala lang..."