Police Jonel Nuezca Pleades 'Not Guilty'

Naghain ng 'not guilty plea' sa kasong murder si Jonel Nuezca, ang pulis na nakuhanan sa video na bumaril sa mag-inang Sonya at Frank Gregorio nitong Disyembre.

Inihain ni Nuezca ang 'not guilty plea' sa kaniyang arraignment at pre-trial noong January 7.

Hindi aktuwal na nakasipot sa korte si Nuezca dahil kasalukuyan siyang nasa 21 araw na quarantine sa pasilidad ng Bureau of Jail Management and Penology sa Paniqui.

Sa pamamagitan ng video conference, nabasahan ng sakdal sa 2 bilang ng murder si Nuezca dahil sa pagpatay sa mag-inang sina Sonia at Frank Anthony Gregorio.

“Naka-isolate pa siya kasi 21 days ‘yung requirements from BJMP,” ani Rombaoa.

Dumalo naman sa arraignment ang abogado ni Nuezca, ganun rin ang pamilya at abogado ng mga biktima.

Ang susunod na pagdinig sa kaso ay sa Pebrero 4 kung saan inaasahan nang pisikal na makadadalo si Nuezca.