Naelah Alshorbaji ng Parañaque City waging Miss Philippines Earth 2021

WINNER si Naelah Alshorbaji mula sa Parañaque City bilang Miss Philippines Earth 2021 sa ginanap na virtual coronation ngayong araw.

Siya ang magiging official representative ng Pilipinas sa international edition ng nasabing pageant.

Sa kanyang pageant profile na naka-post sa official Miss Philippines Earth website, nais mapanalunan ni Alshorbaji ang Miss Earth title and crown para, “To have a greater platform to promote the change I want to see in the world.”

Bukod sa kanyang beauty, umariba rin ang dalaga sa final question-and-answer portion kung saan tinanong ang top 10 candidates ng, “How do you plan to move forward to achieve your goals in life despite the ongoing pandemic?”

At ang bonggang answer ni Alshorbaji ay, “Despite the restrictions in terms of pandemic, we have social media for us to progress and move forward. 

“I think that’s the beauty of the generation that we are going through right now. Moving forward, I think I could accomplish my goals and dreams regardless because I have a bright future even if during the pandemic. I hope that inspires people around us,” aniya pa.

Narito ang iba pang winners: Miss Philippines Air – Ameera Almamari mula sa Atimonan, Quezon; Miss Philippines Water – Rocel Angelah Songano mula sa Iloilo City; Miss Philippines Fire – Roni Meneses from Mandaluyong City; at Miss Philippines Eco-Tourism – Sofia Lopez Galve from Tanay, Rizal.

Ito na ang ikalawang pagkakataon na nagsagawa ng virtual coronation ang Miss Earth Philippines organizers dahil pa rin sa patuloy na banta ng COVID-19 pandemic.

May 66 candidates ang rumampa at naglaban-laban sa 2021 Miss Earth Philippines pageant na may temang “Colors of the Earth.”

The post Naelah Alshorbaji ng Parañaque City waging Miss Philippines Earth 2021 appeared first on Bandera.