'Lolo Delfin', inalala at nagkwento tungkol sa yumaong si 'Lola Flora'

"Hindi pa handang talikuran" ni Susan Roces ang kanyang karera sa pag-arte sa kabila ng pamumuhay nang kumportable at sa kabila ng mga limitasyon na nauugnay sa pandemya, ayon sa kanyang co-star sa "FPJ's Ang Probinsyano" at kapwa screen veteran na si Jaime Fabregas.

Si Jaime ay kabilang sa cast at creative team ng serye ng ABS-CBN na nagbigay pugay sa yumaong icon ng pelikula na si Susan Roces noong Mayo 22.

Sa kanyang eulogy, inalala ng beteranong aktor nang unang narinig ang balita ng pagkamatay ni Roces noong Mayo 20.

Namatay si Susan Roces sa edad na 80 dahil sa cardiopulmonary arrest, ayon sa kanyang nag-iisang anak na si Sen. Grace Poe.

“Noong nabalitaan namin na pumanaw si Tita Susan, lahat kami nabigla, because we had no inkling. Aside from a problem with the back, she was healthy, so we really didn’t expect it… We were devastated,” wika ng aktor.

Ibinahagi ni Jaime Fabregas ang isa sa mga huling pag-uusap nila ni Roces, na tinawag niyang Tita Su.

Noong panahong iyon, ipinagpatuloy ng “FPJ’s Ang Probinsyano” ang produksyon sa ilalim ng new normal, kung saan kinukunan ni Susan Roces ang kanyang mga eksena nang malayuan upang mabawasan ang panganib ng pagkakalantad sa coronavirus.

 “Sabi niya, ‘Kinausap ako ni Grace.’ Sabi niya, ‘Bakit ka pa nag-ti-taping, mom? Hindi mo na kailangan. Bakit ka pa nagtatrabaho?’ Ang sabi niya sa akin, ‘Ano naman ang gagawin ko, Jaime? Magmumukmok sa bahay?’ ‘Itong trabaha na ‘to,’ sabi niya, ‘ang nagbigay sa akin ng maraming kabutihan,’” kuwento ni Fabregas.

“Dito sa trabahong ito, nakilala ko si Ronnie. Hindi ito trabaho na puwede mo lang tapusin nang ganu’n. Habang may lakas ako, ipagpapatuloy ko ang aking trabaho," pagpapatuloy pa ni Susan, ayon kay Jaime.

Si Ronnie ay ang yumaong si Fernando Poe, Jr., asawa ni Susan Roces na namatay noong 2004.

“What I saw here was a person who loved her work so much that she was not willing to give it up. And she loved the people who she worked with,” ani ni Jaime.

Ikinuwento ng screen veteran na palaging may “pasalubong” si Roces para sa buong cast at crew ng “FPJ’s Ang Probinsyano,” kung saan siya ay naging bahagi ng anim na taon simula noong 2015.

“Everybody gets it. Walang pinipili. She treated everyone the same way, whether Coco Martin ka na big star ka, o utility man ka. She treated everybody the same way. That is something I admire in her. I remember, Mr. Poe was also like that. I am so proud to have been given the opportunity to work with the King and the Queen of Philippine Cinema.” 

“She will be missed. As we all miss Mr. Poe, she will be greatly missed. It will be very difficult to have another Susan Roces again in our lives,” dagdag pa niya.

“Tita Su, although we will miss you, we say Godspeed. Rest in God’s eternal peace. And before you know it, we will probably see each other again. Thank you, Tita Su, for the love.”