Ellen Adarna, May Inilabas Na Piano Cover Ng Viral Song Ni Kim Chiu Na �Bawal Lumabas�

Mukhang nagustuhan at LSS ngayon si Ellen Adarna sa naging viral hit song na �Bawal Lumbas� ng aktres na si Kim Chiu.

Sa isa kasing Instagram post, nagbahagi si Ellen ng video nito na tinutugtog ang kanta sa isang piano.

Sa naturang video na inilabas ni Ellen nitong ika-8 ng Hunyo, makikita dito na tinutugtog niya nang mabagal ang �Bawal Lumabas�.

Sinabayan pa ito ni Ellen ng pagkanta niya sa hit song ngunit sa mas mabagal na version.

Ayon pa nga kay Ellen, ang kantang ito umano ni Kim ay itinuturing niyang �best quarantine soundtrack�.

�@chinitaprincess dai, this song brings so much positivity and laughter in my household�

�The Best quarantine soundtrack! #bawallumabas,� caption pa dito ni Ellen.

Bagama�t mas mabagal ang pagtugtog ni Ellen sa kantang ito ni Kim, mukhang nae-enjoy naman nito ang pagkanta at pagtugtog ng naturang awitin.

Dahilan naman ito upang maaliw at matuwa sa kanya ang maraming mga netizen na nakapanood sa cover nito.

Sa mga komento na iniwan sa post ni Ellen, marami ang natuwa at nagsabing good vibes ang pagkantang ito ng dating aktres.

Ang pagkantang ito ni Ellen ng umano�y �GCQ theme song� ay napanood na nang mahigit sa 300 000 beses lang naman.

Si Ellen at Kim ay parehong nanggaling sa Cebu. Iniwan ni Ellen ang showbiz nang magkaroon ito ng relasyon kay John Lloyd Cruz at magkaroon ang dalawa ng anak.

Sa ngayon, nasa Cebu na rin ang aktor na si John Lloyd para sa kanilang anak kahit hiwalay na ang dalawa.

Ang kantang ito ni Kim na �Bawal Lumabas� ay nagsimulang mabuo dahil sa naging trending nitong pahayag sa isang Facebook Live tungkol sa pagsasara ng kinabibilangan nitong network.

Ang naging lyrics ng kanta niyang ito ay galing sa mga pahayag ni Kim na naging trending sa social media at umani ng mga pambabatikos.

Ngunit, imbes na maapektuhan ay ginawa nalang kanta ni Kim ang viral niyang mga pahayag na may kaugnayan sa �hindi paglabas� at �law of classroom�.

Ang kanta nito ngayong �Bawal Lumabas� ang naging resulta ng lahat ng ito.

Sa unang araw pa lamang ng pagre-release ni Kim ng kanyang kanta sa iba�t-ibang social media sites ay umabot agad sa milyon-milyon ang naging views nito.

Nagawan na rin ng �dance steps� ang kantang ito ng aktres sa isang collaboration nito sa viral dancer na si DJ Loonyo.

Maliban sa mga ito, isa ring tagumpay ng aktres ay nang kantahin niya ang �Bawal Lumabas� sa �wish 107.5 bus� nang live.

Sa ngayon, ang video niya ng pagkanta nito ay humakot na ng 7.4 million views sa loob lamang ng anim na araw mula nang mailabas.

Gayunpaman, sa kabila ng mga ito ay hindi pa rin iniiwan ng mga pambabash at pambabatikos si Kim.

Ngunit, sinisikap ng aktres na hindi magpaapekto sa mga ito at ipinagpapatuloy lamang ang kanyang ginagawa. Patuloy rin na sumusuporta sa kanya ang kanyang mga taga-hanga, mga kaibigan, at pamilya.

Source: Instagram