Driver ng SUV na tumakas sa Engkuwentro sa Cavite, nasa Camp Crame na

Sumuko na ang driver ng SUV na isa sa suspek sa shootout na naganap sa Cavite City na kinilalang si Reymundo de Leon Suniga, 34, tubong Barangay Salomague,  Bugallon, Pangasinan.

Si Zuniga ay tumakas habang binabaril ng kanyang amo na si Methusael Brown Cebrian ang mga miyembro Cavite-HPG nang sitahin ang sinasakyan nilang Nissan Terra na walang plaka at conduction sticker sa isang anti carnapping operation sa Manila -Cavite Road, Brgy. 8, Pulo 3, Cavite City. 

Ang suspek ay dinala ng mga tauhan ng SOD-HPG sa Camp Crame Quezon City sa pamumuno ni PCMS Edison Manocum ng Cavite City-PNP.

Ayon kay PNP-HPG chief Police Brigadier General Alexander Tagum, sasampahan ng mga reklamong kriminal si Zuñiga dahil umano sa pagiging parte nito sa krimen.

Nabatid na matapos ang engkuwentro ay dumating sa crime scene ang misis ni Cebrian na siyang opisyal ng Navy at positibong kinilala na mister niya ang napatay.

Ang sasakyan na ginamit ng suspek ay na-turn over na din sa pulisya para sa imbestigasyon at tamang disposisyon.