Actual Footage Pulis Parañaque, huli cam sa pagbaril sa nakaalitang mag-ina sa Tarlac

Patay ang isang mag-ina sa Paniqui, Tarlac, matapos barilin ng isang pulis na kanilang nakaalitan.

Sa kuha ng video, makikitang yakap-yakap ni Sonya Gregorio, 52, ang anak na si Frank Anthony Gregorio, 25, na nakikipagtalo sa pulis na si Police Senior Master Sergeant Jonel Nuezca.

Sa kasagsagan ng away ay binaril ng pulis sa ulo ng tig-dalawang beses ang mag-ina.

"Right of way" daw ang pinag-ugatan ng away ng suspek at ng mga biktima.

Ayon sa witness may nagpaputok umano ng boga, 'yung PVC na during New Year pinapaputok.

Narinig ng pulis. Magkapitbahay lang sila. Nagpunta ang pulis sa bahay ng biktima at nagkaroon sila ng pagtatalo.

"Then naungkat 'yung matagal nilang alitan tungkol sa right of way. Doon nagsimula ang pagtatalo nila na umabot na sa pamamaril ng ating suspek."

Nagsisisi ang suspek at handa itong humarap sa korte.

Nahaharap ang pulis sa kasong double murder.